Сора Дуо

  Дуото  „Сора“ е основано во 2015 година, а само година подоцна го одржува својот прв концерт. Оттогаш редовно настапуваат на разновидни настани, на кои изведуваат свои композиции, аранжмани на познати дела, како и дела од класичната музика, традиционалната и народната музика, филмската музика, свирејќи притоа на различни инструменти – саксофон, хармоника, пијано, виолина и други. Дуото е добитник на специјалната награда од публиката на 14-тиот концерт во салата Јуме во Јапонија во 2016 година. Учида Шиори започнува да учи пијано на две-годишна возраст, а саксофон 10 години подоцна. Дипломира на Колеџот за музика „Кунитачи“, а како резултат на успешните студии започнува да настапува како солист со Универзитетскиот симфониски оркестар и други камерни состави. Студирала под менторство на Кумои Масато, Араки Коичи и Коџи Јуреи – професори и вистински професионалци во својата дејност. Посетувала и мајсторски курс кај познатиот американски саксофонист Фредерик Л. Хемке. Фати Фехмију своето музичко образование го започнува свирејќи хармоника и виолина. Уште од рана возраст го привлекува композицијата, па затоа паралелно се запишува на академски студии по виолина и композиција. Магистрира музикологија и музичка педагогија, а воедно студира и компјутерска музика на Колеџот за музика „Кунитачи“ во Токио, каде ги започнува и своите докторски студии. Во кариерата соработувал со истакнати артисти, а добитник е и на повеќе награди.   Програма:   Традиционална песна: Кавал свири   Традиционална песна: Ерген дедо   Јохан Себастијан Бах (1685-1750): Air   Александар Бородин (1833-1887): Половцијански танци од операта „Принц Игор“      Суита од операта „Принц Игор“   Антонио Вивалди (1678-1741): Кончерто гросо  g – moll, RV 578
  1. Adagio e spiccato
  2. Allegro
  3. Larghetto
  4. Allegro
  Фати Фехмију : Hollows за хармоника и сопран саксофон   Астор Пјацола (1921-1992): Oblivion   Дуо „Сора“ : Сора валцер бр. 2   Алесандро Марчело (1673-1747): Концерт за обоа  d – moll, S. Z799
  1. Andante
  2. Adagio
  3. Allegro
  Традиционална песна: Sakura   Бела Барток (1881-1945): Романски народни танци, Sz. 56 
  1. Joc cu bâtǎ
  2. Brâul
  3. Pê-loc
  4. Buciumeana
  5. Poargǎ româneascǎ
  6. Mǎrunţel
  Астор Пјацола (1921-1992): Libertango   *Сите дела се во аранжман на Сора Дуо
https://www.karti.com.mk/etickets/TicketList.aspx?pEventID=2056