Новост

Врвната пијанистка Зилберштајн импресионирана од „Света Софија“ и публиката на „Охридско лето“

14.08.2017

SHARE

Please follow and like us:
Instagram

Воодушевена од приемот на публиката на „Охридско лето“ на нејзиниот концерт што се одржа синоќа во црквата „Света Софија“, врвната пијанистка Лилја Зилберштајн изјави дека повторно би се вратила во Охрид и на фестивалот.

– Воодушевена сум од црквата „Света Софија“. Импресирана сум од архитектурата и сликите. Не е важно колку салата е голема или мала, важна е само атмосферата, вели пијанистката.

Во рамки на музичката програма на фестивалот „Охридско лето“ таа настапи со дела Шуберт и Лист.

За Лилја Зилберштајн интернационалните успеси започнуваат во 1987 година кога победува на интернационалниот натпревар „Бузони“ во Болцано. Нејзината победа претставува вистинска сензација, а поминуваат пет години пред оваа награда повторно да му биде доделена на некој пијанист.

Врвната пијанисткаЗилбрштјн зад себе има богата и успешна кариера. Родена во Москва, музиката ја однела во Хамбург каде поминала 25 години од својот живот, , а сега живее и работи во Австрија. По нејзините стапки чекорат и нејзините двајца синови.