Новост

Еко клубот ПЛУС од Битола останува верен пријател и помагател на „Охридско лето“

26.01.2018

SHARE

Еко Клуб ПЛУС ДОО Битола е водечка комунална компанија во регионот на југозападна Македонија и пошироко на Балканскиот полуостров. Постои веќе 27 години и е прва приватна комунална компанија во Македонија. Основни дејности се еколошки и комунални услуги кои се изведуваат со сопствена механизација.Оваа компанија е една од верните помагатели на фестивалот „Охридско лето“. Оттаму најавуваат дека заемната соработка ќе продолжи и во иднина.

 

 

Охридско лето: Од особено значење е Вашата помош како помагател на  фестивалот „Охридско лето“. Вашето дејствување во оваа сфера од културното  живеење на Република Македонија помагајќи ја најзначајната манифестација,  вроди со многу значајни настани кои ја збогатија културната програма во земјата и го подигнаа нејзиното ниво. Колку се чувствувате заслужни за тоа и како ја оценувате соработката со „Охридско лето“?

 

Игор Салевски: Можам да кажам  дека ние како компанија Еко Клуб  со 27 години искуство во областа на  комуналната дејност сме задоволни од соработката со фестивалот„Охридско лето“. Имаме еден искрен однос на соработка, разбирање и почитување се надеваме дека во иднина ќе соработуваме заедно.

 

Охридско лето: Фестивалот „Охридско лето“ со години наназад е на врвот на светската уметничка сцена на која продефилираа големи музички имиња со светско реноме. Кој настан, кој уметник ви остави најголем впечаток во текот на изминатите фестивалски изданија?

 

Игор Салевски: Секогаш сме  добредојдени и поканети од Ваша страна но да ви кажам искрено не се сеќавам кои музички имиња ми оставија впечаток зашто ги имаше навистина многу низ изминатите години, па и децении.

 

Охридско лето: Долгогодишно партнерство се заснова на доверба, разбирање и почит.
Фестивалот кој е гордоста на македонската уметност и култура, нешто што трае над  пет децении,секогаш до себе ги има најголемите и најзначајните компании, организации…..Ќе продолжите ли заеднички по патот во градењето на иднината на најпрестижната манифестација?

 

Игор Салевски: Секако, ние се надеваме дека ќе соработуваме и во иднина и од наша страна се надевме дека ќе дадеме уште поголем придонес за овај фестивал. Сите заедно,  ќе го направиме уште попрестижен и уште повеќе промовиран.