Новост

Славењето на пијаното – еден од најзначајните празници на уметноста

29.03.2021

SHARE

Please follow and like us:
Instagram

Денеска светот на врвната уметност го одбележува Денот на пијаното. Безграничната моќ и убавината на звуците на овој инструмент ја потврдуваат уникатната експресија на креативниот дух.

Пијаното е еден од најпрепознатливите и најпопуларните инструменти во светот поради својата повеќенаменска природа во сферите на свирењето и компонирањето. Создава атрактивно уметничко доживување за љубителите на врвната уметност.

Денот на пијаното е настан што се одржува еднаш годишно, на 88-от ден во годината, затоа што тоа е бројот на клавишите на пијаното.

„Ден на пијаното е потребен од повеќе причини. Но, најмногу поради радоста што ја носи прославата за пијаното, како еден од најпопуларните и најомилените инструменти, вклучувајќи ги изведувачите, композиторите и како најбитни, слушателите“, напишал Нил Фрам, еден од иницијаторите на идејата.

Славењето на пијаното е еден од најзначајните празници на уметноста која ја спојува радоста и убавината на концертните изведби.

Врвни пијанисти од светската уметничка сцена и како и наши славни пијанисти настапиле на сцената на Охридско лето изминативе 60 години. Возвишени пијано концерти секоја година ја испишуваат фестивалската приказна на најзначајната манифестација кај нас.