Стивен Бјус – пијано

„Неверојатно оригинален… уникатен изведувачки пристап“ се зборовите со кои критичарот на магазинот „Фанфари“ го опишува настапот на Стивен Бјус кој во само четири месеци се закитува со прва награда на натпреварот „Џина Бахауер“, прва награда на меѓународниот натпревар „Вендом“ во Лисабон и ја добива стипендијата „Макс Ален“ од страна на Асоцијацијата на американски пијанисти во Индијанаполис. Како победник на натпреварот на школата „Џулијард“, Стивен Бјус дебитира во „Карнеги хол“ со оркестарот на „Џулијард“ под диригентската палка на Џејмс Де Прајст изведувајќи го Концертот бр. 3 од Прокофјев. Настапува како сoлист со оркестарот „Гулбенкијан“ во Лисабон, „Тиволи“ во Копенхаген, оркестарот на операта на Тбилиси, „Нортвест синфониета“ во Сиетл, Кралската филхармонија на Мароко, „Васа“ симофнискиот оркестар во Финска како и со оркестри во Хамбург, Индијанаполис, Нешвил, Санта Фе, Јута, Форт Ворт, Тусон, Џексонвил и др. Рециталните настапи го водат во „Вигмор хол“,  во салите „Гаво“ и „Корто“ во Париз, театарот „Сан Карло“ во Неапол, салата „Вајл“ во Карнеги Хол, како и во Шангај, Пекинг, Казахстан, Русија, Финска, Швајцарија, Португалија, Германија, Кина, Франција, Италија и Чешка.

Роден и пораснат на фарма во источен Вашингтон, Стивен Бјус започнува да учи пијано на петгодишна возраст, а на само девет години дебитира со оркестар. Студира на колеџот „Витман“, на „Џулијард“ и на универзитетот „Стоуни Брук“, а негови професори и ментори се: Леонард Рихтер, Роберт Мекдоналд, Гилберт Калиш, Кристина Дал и Паулет Ричардс. Снима повеќе ЦД-а за различни издавачки куќи. Бјус е уметник поддржан од компанијата „Стенвеј“ и предава на Универзитетот „Бригам Јанг“.

 

Програма:

 

Ф. Менделсон: Соната во E-dur оп. 6

Allegretto con espressione
Tempo di Menuetto
Adagio e senza tempo
Molto allegro e vivace

 

Н. Медтнер: Sonata tragica бр. 5 оп. 39

 

-пауза-

 

Р. Једидиа: Голема етида бр. 7 „Лет преку океанот“

 

Р. Једидиа: Голема етида бр. 20

 

С. Барбер: Соната во es-moll оп. 26

Allegro energico
Allegro vivace e leggiero
Adagio mesto

Fuga: Allegro con spirito

Дата

25 Јул 2022
Expired!

Време

21:00

Цена

MKD700.00

Категорија

музичка програма
Црква Св. Софија

Локација

Црква Св. Софија
Цар Самоил 88, Охрид 6000

Напишете коментар

Вашата адреса за е-пошта нема да биде објавена. Задолжителните полиња се означени со *