Инфо

ВАЖНИ ИНФОРМАЦИИ

Набавката на билетот подлежи на овие Правила и Прописи.

Влезници за настаните

Еден билет важи за едно лице.

Билетите за настаните организирани од НУ „Охридско лето“ Охрид, важат на денот на одржување на настанот. Купувачите нема да имаат право на рефундација или замена за неискористен билет за одржан настан.
Доколку го изгубите билетот, тој не може да биде заменет со нов. Посетителите треба да ги чуваат нивните билети од загуба или оштетување, како и злоупотреба.
Валидна е само базата на податоци за продадените билети што ја има НУ „Охридско лето“.
Секоја злоупотреба на билетите е казнива со закон.

Продажни места и начини на плаќање

Билетите за настаните организирани од НУ „Охридско лето“ Охрид, можат да бидат набавени во билетарниците на НУ „Охридско лето“: билетарница во дирекцијата и online на  karti.com.mk  и mktickets.mk
На денот на настанот, билети можат исто така да се купат на продажните пултови пред сцените.
При набавка на билетите, купувачот е должен да провери дали настанот, датумот, времето, локацијата, седиштето и цената се точни. Купувачот треба веднаш да пријави кај продавачот каква било грешка на билетот.
Набавката на билети на продажните места на НУ „Охридско лето“ може да се направи:
– во готово,
– со платежни кредитни и дебитни картички (прифаќање на сите картички VISA/MasterCard/Maestro).
Правните лица можат да нарачаат билети со исплата на про-фактура.
Прометот за реализирање на уметничката програма за Фестивалот „Охридско лето“ во 2025 година, е ослободен од ДДВ (член 23, точка 8 точка 8-а од Законот за данок на додадена вредност).

Резервации на билети

Резервации на билети е возможно само на емаил: tickets@ohridskoleto.com.mk или телефонскиот број +389 .  При тоа мора да ги оставите Вашите податоци. Потврда за направената резервација ќе добиете на Вашиот емаил или телефонски број.
Вашата резервација ќе важи за определено време, до датумот на одржување на настаните за кои се резервирани билетите најдоцна до 15 часот.

Откажување, одложување, измена на настан

За откажани настани од страна на организаторот на купувачите ќе им биде вратен износот што тие го платиле за купување на билетот.
НУ „Охридско лето“ го задржува правото за промена на програмата на изведувачите, локациите и закажаните термини за почеток. Во случај на лоши временски услови доколку настанот се одржува на резервна локација и/или време, одложувањето на настанот ќе биде објавено најдоцна на денот на настанот на www.ohridskoleto.com.mk. Доколку терминот за одложениот настан не е во согласност со активностите на купувачот, билетите ќе бидат заменети со билети за друг настан или на купувачите ќе им биде вратен износот што тие го платиле за купување на билетот.
Рефундацијата ќе се врши од продажното место каде што се купени билетите, со претходно приложување на доказ за купување (отпечатен билет и фискална сметка).

Правила на однесување за време на настаните

Заради непречено одвивање на самиот настан, НУ „Охридско лето“ го задржува правото да забрани влез по почетокот на настанот. Препорачливо е доаѓање половина час пред почеток на настанот. Доколку посетителот задоцни и го приложи билетот по официјалниот термин објавен за почеток на настанот, и настанот е веќе започнат, организаторот може да не дозволи влез на тоа лице во салата на одржување на настанот. Исто така, при секое доцнење дури и да биде дозволен влез во салата – на лицето не му се гарантира дека билетот кој е нумериран со место за седење (блок, ред и место) е слободно и истото може да биде веќе пополнето од друг посетител.
Строго е забрането да се внесуваат животни, предмети што можат да послужат како проектили или оружја, пиротехнички материјали, отровни, експлозивни или запаливи супстанци, шишиња и алкохолни пијалоци. На посетителите им се забранува да внесуваат предмети кои наметнуваат политички пораки, или кои содржат комерцијални или маркетиншки белези со што се прекршуваат облигационите права на трети страни.
Забрането е пушење на гледалиштата.
Публиката треба да ги има исклучено мобилните телефони или другите звучни уреди кои можат да ја нарушат изведбата и да се воздржи од гласни коментари за време на настаните.
Во црквата „Света Софија“, како и во сите верски храмови, задолжително да се почитува кодексот на однесување и облекување.
Секој посетител на настаните ја презема одговорноста да ги почитува назначените Правила и Прописи. Влез може да биде одбиен на сите кои не се придржуваат на општите услови и го прекршуваат законот и редот. Лицата ќе бидат отстранети без право на надомест за билетот.

НУ „Охридско лето“ личните податоци ќе ги обработува во согласност со важечката легислатива за заштита на личните податоци.