Театарска претстава “Ана Каренина” „Во љубовта нема повеќе и помалку“ Од Лав Николаевич Толстој

Театарска претстава

“Ана Каренина”

„Во љубовта нема повеќе и помалку“

Од Лав Николаевич Толстој

Режија: Дејан Пројковски

Театар Нови Сад „Ujvideki Szinhaz”, Србија

Ана е искрена, Ана е добра мајка, добра сопруга. Ана е заљубена. Но не и во нејзиниот сопруг. Ана најмногу сака две работи и го дава животот за нив – љубовникот и синот. Ана знае дека едното го исклучува другото… Возот тргна од Санкт Петербург и со се поголема брзина ита кон станицата.

„Нашата Ана Каренина е една жена – всушност, не е важно дали е жена или маж – човек кој сака да биде среќен. Преку нејзиниот лик отвораме многу врати и се занимаваме со тоа што всушност значи љубовта, колку човекот е подготвен да се жртвува, колку е подготвен да се надмине себеси, своите стравови, за да ја пронајде смислата на своето постоење. Во оваа смисла, Ана Каренина во нашата претстава е сложен систем; и таа, но и сите други ликови – Каренин, Вронски, Левин, Кити – имаат своја приказна, борба. Така, оваа претстава покажува дека црното никогаш не е целосно црно, белото никогаш не е целосно бело, дека всушност има многу нијанси внатре и дека тоа е всушност нашиот живот. “

Дејан Пројковски

Дејан Пројковски е македонски режисер. Роден е 1979 година во Битола. Дипломирал и магистрирал театарска режија на Националната академија за театарска и филмска уметност „Крсто. Сарафов“ во Софија. Работи како вонреден професор по театарска режија и глума на Универзитетот за аудиовизуелни уметности ЕСРА Париз-Скопје-Њујорк. Направи голем број значајни режии во С. Македонија и земјите од регионот. Извесен период беше директор на Македонскиот народен театар.

Тој е еден од водечките македонски театарски режисери и професор по театарска режија и глума на Универзитетот за аудио-визуелни уметности Европа Прима. Пројковски се потврди како режисер на големи дела на светските класици, создавајќи претстави со специфичен естетски и иновативен сценски јазик. Тој е присутен не само во својата татковина, туку и во Србија, Бугарија, Русија, Турција, Црна Гора, Хрватска, Босна и Херцеговина и копродуцира претстави со германски, италијански и словенечки театри и фестивали.

Улоги:

Ана Каренина – Береш Марта

Алексеј Каренин – Атила Немет

Алексеј Вронски – Арпад Месарош

Степан Облонски – Золтан Ширмер

Дарја Доли Облонска – Габриела Црнковиќ

Константин Дмитрич Левин – Габор Понго

Катерина Кити Александровна – Дина Дедовиќ Томиќ

Бетси Тверска – Агота Ференц

Серпуховски – Роберт Ожвар

Лидија Ивановна ‒ Ливија Банка

Агафја – Терезија Фигура

Серjожа – Адам Баџи

други:

Фани Дупак, Леа Грешак, Анабела Ходик, Даниел Хуста, Чаба Кемивеш, Адам Аџаш, Лехел Шолтис, Регина Сабо, Бенце Салаи, Бенџамин Варга.

Кореограф: Олга Панго

Сценограф: Валентин Светозарев

Костимограф: Марија Пупучевска

Претставата трае 2 часа и 30 мин со пауза

Претставата не е наменета за публика помлада од 16 години