Камерен оркестар „Академија на солисти“

  Дуото Марко Скиаво и Серџо Маркеџани е едно од најактивните италијански пијано дуети. Во светот се познати по уникатното музицирање, експресивноста, убавиот звук, интензитетот и огромната енергија во своите изведби. На музичката сцена заедно се појавуваат во 2006 година и оттогаш доживуваат стотици концерти во најпрестижните сали и најголемите фестивали во светот. Во 2014 година го издаваат својот прв компакт диск, целосно посветен на музиката на Франц Шуберт. Ајман Мусакaјајева е еден од најзначајните претставници на виолинистичката школа на Казахстан. Музика започнува да учи во Казахстан, а своите студии ги завршува на Московскиот конзерваториум. Постојано е активна на музичките сцени во светот, соработувала со голем број значајни музички имиња и оркестри. Мусакајајева е основач на Државниот камерен оркестар „Академија на солисти“, во кој ги ангажира најдобрите млади музичари од Казахстан. Добитник е на повеќе награди на престижни интернационални натпревари, како и на повеќе признанија. Гудни А. Емилсон е исландски диригент, добитник на голем број национални и интернационални награди. Во текот на својата кариера соработувал со некои од најзначајните оркестри на денешницата, настапувајќи притоа на голем број познати музички сцени, а  соработува и со еминентни изведувачи од целиот свет. Од 1999 година Емилсон седнува на позицијата уметнички директор и шеф-диригент на Камерниот оркестар во Тубинген, а по ова на местото шеф-диригент седнува и пред неколку други значајни оркестри, како камерниот оркестар „Сук“ и оркестарот „Камерата Бохемика“ во Прага, Тајландскиот филхармониски оркестар и др. Државниот камерен оркестар „Академија на солисти“ е водечки ансамбл во Казахстан. Основан е во 1991 година, од страна на виолинистката Ајман Мусакајајева. Членовите на овој ансамбл се млади музичари, виртуози на својот инструмент, лауреати на повеќе интернационални натпревари, со одлична техничка подготвеност. Државниот камерен оркестар „Академија на солисти“ на своите настапи изведува музика од најразлични епохи и стилови, но, пред сè, се смета за еден од најзначајните афирматори и промотори на казахстанската музика и традиција во светот.   Програма:   Едвард Григ (1843-1907): Суита „Холберг“, оп. 40
  1. Praeludium (Allegro vivace)
  2. Sarabande (Andante)
  3. Gavotte (Allegretto)
  4. Air (Andante religioso)
  5. Rigaudon (Allegro con brio)
  Леополд Кожелуч (1747-1818): Концерт за четирирачно пијано и оркестар
  1. Allegro
  2. Adagio
  3. Rondo – Allegretto
 
  • пауза –
  Камиј Сен-Санс (1835-1921): Интродукција и Рондо Капричиозо, оп. 28, a-moll   Пабло де Сарасате (1844-1908): Цигански напеви, оп. 20   Жил Масне (1842-1912): „Медитација“ од операта „Таис“   Франц Ваксман (1906-1967) / Жорж Бизе (1838-1875): Фантазија „Кармен“
https://www.karti.com.mk/etickets/TicketList.aspx?pEventID=2060