Театарска претстава Јованче и Марика Од Браќа Грим; Режисер: Давор Драгојевиќ

  Театар за деца и младинци, Скопје Јованче и Марика се најпознатите брат и сестра во литературата за деца. Браќата Грим им подариле „вечен” живот. Генерации и генерации растеа со оваа прекрасна бајка која ни ја покажува вистинската љубов помеѓу братот и сестрата, нивната добрина и нивната желба за среќно семејство. Марика е мила, малку плашлива, Јованче е љубопитен, храбар, доаѓаат во ситуација сами да се борат со вештерката, која го маѓепсала нивниот татко. Тука, се преплетуваат светот на фантазијата и реалноста. Најважната порака на оваа бајка е дека и во најтешките моменти треба да веруваш во себе. Дали бајка, во денешниот свет, кога на децата им се нудат најразлични содржини може да опстане? Дали и може да „парира” на современата технологија, на компјутерските игри, нa 3Д анимацијата? Секако дека може и тоа токму во театарот!     Улоги: Катарина Илиевска – Силјановска Марија Ѓорѓијовска Драган Довлев Ана Левајковиќ Бошков  Ангела Димитрова   Драматизација: Дарко Ковачовски и Надја Василева Сценографија: Надја Василева Костимографија: Надја Василева Композитор: Љупчо Мирковски   Наменета за цела публика Времетраење: 50 мин.