Тим

Бисера Чадловска

Бисера Чадловска е родена во Скопје во 1978 година. Нижото музичко училиште „Илија Николовски – Луј“ во Скопје започнува да го посетува на 5 годишна возраст, кога почнува да изучува пијано. По завршувањето на нижото музичко училиште, се запишува во средното музичко училиште на наставно-теоретскиот оддел. Во 1996 година ги започнува студиите по оркестарско диригирање на Факултетот за музичка уметност во Скопје, во класата на професорот Фимчо Муратовски. Во 2001 година дипломира на отсекот по оркестарско диригирање со концерт со Македонската филхармонија. Пост-дипломските студии одлучува да ги продолжи во Софија, на Државната музичка академија „Панчо Владигеров“, во класата на професор Пламен Џуров. Магистрира со највисоки оценки. По завршувањето на образованието, почнува да работи како хор-мајстор во Македонската опера и балет. Како талентиран млад диригент, набргу започнува да работи и како асистент-диригент и понатаму диригент на голем дел од оперските и балетски претстави на репертоарот на МОБ. Својата прва оперска премиера „Таен брак“ од Доменико Чимароза ја изведува за отварањето на Скопско лето во 2005 година. Како резултат на работата на оваа опера, добитник е на стипендија од CEE Eastern Musiktheater, фондација која стипендира млади оперски уметници во источна Европа. Во 2006 година, станува диригент-првенец на Македонската опера и балет. За време на нејзината 20 годишна работа како диригент, остварува голем број на премиерни изведби на оперски и балетски претстави и концерти. На сцената на Македонскиот народен театар, како диригент го поставува првиот лиценциран мјузикл изведен во Македонија, мјузиклот „Чикаго“. По огромниот успех на овој мјузикл, ангажирана е да работи и на мјузиклот „Мама миа“, исто така во продукција на Македонскиот народен театар. Настапувала со оркестарот на Македонската филхармонија, Сараевската филхармонија, оркестарот на операта во Темишвар, Романија и редовно настапува како гостин диригент во Државните опери во Пловдив и Варна, Бугарија. Од 2017 до 2020 година ја извршува функцијата уметнички раководител на Операта при Националната опера и балет. Добитник е на наградите: „Георги Божиков“, за континуирана изведба на дела од македонски композитори во 2015 година, Музичко-сценски уметник на годината во 2015 година и наградата “13-ти ноември“ од областа на уметноста во 2019 година, која ја доделува град Скопје. Репертоарот на диригентката Бисера Чадловска е разноврсен и брои огромен број на наслови и изведени концерти и оперски и балетски претстави. Дел од нив се следните:

Џ. Верди:

„Травијата“

„Набуко“

„Риголето“

„Моќта на судбината“

„Магбет“

„Аида“

Џ. Пучини

„Турандот“

„Тоска“

„Мадам Батерфлај“

„Боеми“

„Плаштот“

Ж. Бизе

„Кармен“

Џ. Росини

„Севилскиот бербер

„Пепелашка“

„Италијанка во Алжир“

В.А. Моцарт

„Волшебната флејта“

„Дон Џовани“

„Бастиен и Бастиена“

Г. Доницети

„Лучија Ди Ламермур“

„Дон Пасквале“

„Рита“

Р. Леонкавало

„Паљачи“

П. Маскањи

„Кавалерија рустикана“

Б. Бритн

„Свртување на штрафот“

Ј. Штраус

„Лилјакот“

Ф. Лехар

„Веселата вдовица“

И. Калман

„Војвотката на чардашот“

К.Орф

„Кармина Бурана“

Д. Чимароза

„Таен брак“

А. Землински

„Џуџето“

Џ. Меноти

„Старата мома и крадецот“

Ј. Хајдн

„Апотекарот“

К.В. Глук

„Орфеј и Евридика“

Е. Хумпердинк

„Јованче и Марика“

П.И. Чајковски

„Лебедово езеро“

„Оревокршачка“

„Ана Каренина“

А. Адам

„Жизел“

„Корсар“

Ч. Пуњи

„Есмералда“

Н. Римски Корсаков

„Шехерезада“

Л. Минкус

„Дон Кихот“

А. Глазунов

„Рајмонда“

М. Де Фаља

„Огнени градини“ (балет кореогрфиран на музика на „Ноќи во шпанските градини“ и “El Amor Brujo“)

Анита Алоска

Управен одбор

Селектори

Бисера Чадловска

Сања Арсовска