Охридско лето, магија која не згаснува

Сцена создадена преку творењето на музиката и театарот. Место за настап на бројни светски уметници. Потврда за високите културни вредности. Атракција, уникатност, возбуда ….

Охридско лето,  единствениот фестивал  кој повеќе од половина век блеска со  магичен амбиент, останува длабоко во сеќавањата со посебна величина достојна за вистинските вредности.

Долги години амбиентот го создаваат културите од целиот свет надополнувајќи ја духовната традиција по која Охрид и Македонија се препознаваат. Моќта и спојот на културите тука оставиле длабоки траги во секоја пора на овој древен град , во секоја пора од ова, од Бога создадено парче земја.

Годинава традицијата ја продолжуваме со уште едно возбудливо издание. Вистинско уживање за љубителите на уметноста во традиционалната рамка 12 јули – 20 август. Со голема одговорност, но и обврска максимално се вложуваме да бидеме добри домаќини на многу врвни уметници и докажани театарски куќи.

Со огромна возбуда ќе создаваме уште многу успешни  приказни  исткаени со душата и длабочината на врвната музика и креативните  театарски изведби.